蘇媽.蘇媽馬來西亞茶餐室 (已結業)

近期最愛餐廳 高性價比 抵得黎有水準～～～餐廳嘅裝修好別緻，好似懷舊風嘅馬來西亞咁，別有一番風味，而且枱同枱之間嘅空隙亦足，呢個價錢來講算係環境好好坐。😊～～～睇過餐牌，三心兩意左揀右揀之後，就揀選左以下幾款食物：🍴椰香咖央多士$32魚仔醬蘿蔔糕$48馬拉咖喱雞撈麵$62肉骨茶- 豬腳彎$56～～～首先先要講一款最抵食嘅，就係佢嘅肉骨茶，$56一碗，肉骨茶湯底已經可以任飲任添，豬腳彎雖然唔可以添，但係兩個人，份量都夠食，肉質嫩口彈牙，配搭濃郁非常熱辣辣嘅肉骨茶，令人一食愛上。🥣～～～椰香咖央多士亦係必叫之選，質素算係暫時喺香港食過數一數二嘅。個包好酥脆，醬料份量啱啱好，加埋半溶牛油，真係肥都要食。😆～～～馬拉咖喱雞撈麵亦係一絕，咖喱雞大大件不在話下，撈麵配搭濃好咖喱汁，非常切合港人口味。🍗～～～最後魚仔醬蘿蔔糕亦頗有特色，魚仔醬鹹鹹香香，有少少似港式嘅蝦醬蘿蔔糕。外脆內軟，似係有輕輕炸過，沾點少少佢哋嘅甜醬油，味道唔輸港式風味嘅蘿蔔糕。🥢～～～蘇媽.蘇媽馬來西亞茶餐室地址: 銅鑼灣謝斐道483-499號新城大廈地舖