養心殿台式養生鍋 (已結業)

5月第一次去養心殿 自此之後每次出街打邊爐, 養心殿都係我嘅首選, 短短幾個月就第三次去幫襯!! 大熱天時都吸引到我去打邊爐, 主要係因為佢湯底好飲又足料, 食物真係新鮮, 唔係淨係得個樣. 而且仲設有優惠時段, 7點半前埋單有半價, 好鬼抵!最近馬鞍山新開商場又開左養心殿, 心思思又同屋企人去食左一次! 我地叫左個美人鍋湯底, 由烏雞、杞子、金華火腿肴制, 我同屋企人都先飲左一兩碗湯先開始打邊爐, 飲落去鮮甜, 係老火雞湯嘅味道, 相信係用左烏雞, 所以一D都唔會覺得太油膩.正式開始打邊爐前, 先到自助調味料到拎下D醬料, 選擇唔算多, 不過基本野都有齊, 而且全部大大盤, 檯面乾淨企理 (我最怕果D倒到周圍都係, 痴笠笠). 我地叫嘅都係肥牛肉, 鴨肉片, 響玲, QQ粉, 手打丸類拼盤, 水餃同蔬菜籃.每款食物份量雖然唔多, 但都係以質取勝, 每樣都好新鮮, 特別推介QQ粉, 熟左之後係透明嘅, 真係好彈牙,而且吸水力特強, 吸晒湯底精華, 好鬼正! 另外值得一提係鴨肉片, 鴨胸肉切到好薄, 恰嘅時間唔需要太耐. 食落其實都同一般豬肉片差唔多, 鴨味唔算好突出, 但油脂感無咁