影片
更多
2019-10-27
23 瀏覽
📍Cocina 3 Tapas Restaurant & Bar 大角咀海泓道1號奧海城三期地下G22號舖-----最近轉天氣 B仔病到七彩 不過的逢朋友生日 都係出左去同佢食飯慶祝 （朋友話佢係壽星 百病不侵 唔驚我D病菌😛）weekday 7點幾黎到 餐廳已經full左9成 呢度樓底好高 空間感好大 顏色以紅黑為主調 神秘中帶點型格 係我地睇緊餐牌時候 前面有張檯有人生日 餐廳為佢送上有煙花蠟燭嘅蛋糕🎇超級靚 可惜我唔知道有 無預先order到 如果大家帶人去慶生記得同餐廳講定等佢地可以為你預備-古秘魯海鮮沙律（$148）貪得意嘅我地 見到呢款古秘魯沙律躍躍想試 黎到之後 貌相好靚 海鮮份量好多 有帶子仔 八爪魚仔 大蝦 油甘魚等等 味道酸酸地 帶少少檸檬香 入面好多洋蔥粒 底下則浸滿橄欖油 同平時西式沙律好唔同 雖然頗具異國風情 不過我地唔係特別食得慣呢個味道😆-龍蝦汁大蝦海鮮闊條麵（$148）朋友一向愛飲龍蝦湯🦞所以我地就叫左呢款龍蝦汁意粉試下 大蝦有燒過 新鮮又夠大隻 好好食 如果比多幾隻就好😆 闊條麵回彈力十足 煙韌有口感 似手作意粉 唔似機製 汁底份量多 有少少似將濃稠嘅
大角咀海泓道1號奧海城三期地下G22號舖
-----
最近轉天氣 B仔病到七彩 不過的逢朋友生日 都係出左去同佢食飯慶祝 （朋友話佢係壽星 百病不侵 唔驚我D病菌😛）weekday 7點幾黎到 餐廳已經full左9成 呢度樓底好高 空間感好大 顏色以紅黑為主調 神秘中帶點型格 係我地睇緊餐牌時候 前面有張檯有人生日 餐廳為佢送上有煙花蠟燭嘅蛋糕🎇超級靚 可惜我唔知道有 無預先order到 如果大家帶人去慶生記得同餐廳講定等佢地可以為你預備
-
古秘魯海鮮沙律（$148）貪得意嘅我地 見到呢款古秘魯沙律躍躍想試 黎到之後 貌相好靚 海鮮份量好多 有帶子仔 八爪魚仔 大蝦 油甘魚等等 味道酸酸地 帶少少檸檬香 入面好多洋蔥粒 底下則浸滿橄欖油 同平時西式沙律好唔同 雖然頗具異國風情 不過我地唔係特別食得慣呢個味道😆
-
龍蝦汁大蝦海鮮闊條麵（$148）朋友一向愛飲龍蝦湯🦞所以我地就叫左呢款龍蝦汁意粉試下 大蝦有燒過 新鮮又夠大隻 好好食 如果比多幾隻就好😆 闊條麵回彈力十足 煙韌有口感 似手作意粉 唔似機製 汁底份量多 有少少似將濃稠嘅龍蝦湯倒落去煮意粉嘅感覺 中意龍蝦湯嘅人都一定中意呢個意粉
-
板燒西班牙黑豚肉🇪🇸（$248）擺盤非常靚 一送到我地已經忍唔住瘋狂影相 豬扒厚身到不得了 肥瘦比例係我最中意嘅2：8 少肥多瘦 肉質扎實得黎又足夠軟腍 易切又易咬 食落好多汁 而且豬肉味濃 唔需要點佢額外伴有嘅蒜蓉汁 已經好夠味 而且份量頗大 有10安士 夠曬兩個人食 除左黑豚肉之外 伴碟嘅薯條亦有驚喜 當你以為佢係切到一條條嘅炸薯條 一咬落去先發現原來係焗薯黎 真係鬼馬🤣
-----
👶🏻B仔整體評價：7.8/10個👍🏻
👶🏻B仔抵食程度：7/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻 熱食出色
👶🏻B仔回頭機會：8/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowolympic
張貼
