華苑酒家 (已結業)

平安夜約埋三五知己一齊去食打邊邊，我哋都好多年冇食過西餐因為唔想同人迫，同埋我哋都係鍾意食中餐嘅。我哋揀咗呢間近近地嘅華苑酒家，佢地理環境好好，好近朗屏西鐵站，由朗屏西鐵站行過去唔使5分鐘，一去到樓下又唔使等位可以直接上去食嘢非常之好啊，最重要值得一讚嘅地方係服務態度非常之好，經理不斷介紹食物俾我地, 因為天氣都好乾燥，我哋就帶咗個椰子雞湯底，呢度嘅椰子雞湯底好特別架，平時我哋食開嘅椰子雞湯底都係清椰子水湯底+雞，呢度嘅椰子雞湯底呢就係椰漿味比較重嘅椰子雞湯底，我自己就好鍾意呢啲椰漿味啦，另外嘢食方面都好多選擇，一部份係用紙仔落單令一部份係自己去攞嘅，所以都可以因應自己嘅要求去攞幾多食幾多！