台北車站 (已結業)

今日放工約咗個住將軍澳嘅朋友出去食飯，未去到已經出曬汗，唔係因為天氣太熱，係因為間餐廳真係好難搵！Openrice個位置又錯，商場指示亦都唔清晰，去到真係身水身汗！講番啲野食先，叫咗黃酒煮雞湯，份量適中，始終煮咗咁耐，雞唔可以expect好滑，但食落都唔鞋，而且好鍾意佢雞湯嘅中藥味，平時怕飲湯肥嘅我都飲咗幾碗湯！另外叫咗碟台灣水蓮炒豚肉，水蓮平時勁少食開，所以見到就好奇叫黎食下，食落幾爽口，同埋好似食到啲花香味，感覺好新鮮！豬肉就正常發揮，兩者係幾夾嘅，一個淋一個爽！