泰妹餐廳 (The Wave) (已結業)

觀塘the wave啲餐廳差唔多俾我試勻，淨係差呢間泰國菜。所以就搵日中午去試埋呢間，餐廳裝潢都幾靚，地方開揚，燈光明亮。食都食得舒服啲。我就點咗一個泰式豬髀飯，豬腳入味，豬皮彈牙，肉質軟淋。仲有配菜，滷蛋同菜心，分量充足，配上一杯泰式凍檸茶，正呀！我地仲點咗個軟殼蟹米紙卷，但呢度嘅米紙卷都幾特別，有種香草薄荷味，同埋都好足料，口感豐富，值得一試。觀塘泰國菜唔算多，呢間都可以列入平日返工食飯嘅選擇，地方近公司，價錢都合理，環境靚，味道都唔錯嘅。