孖沙茶餐廳 (已結業)

咁岩返工經過上環，前排電視又見到人稱三眼仔飯既叉燒煎蛋飯，就特登行多兩步過黎試下好唔好食啦，點知又唔算太難搵，附近都好似仲有啲餐廳可以試下添，咁今日就試下佢。一見到門口係好典型既茶記樣，咁為左確定無去錯就睇下啲食客食乜，結果大部分都係叉燒煎蛋咁就應該岩啦！咁我又早左到就唔洗排，點知坐低無耐就見到都幾多人排。好彩咋！咁我淨係叫左個飯，發覺都等左一段時間，可能太多人叫。咁黎左食落發覺真係幾好食，啲蛋汁岩岩好出黎連飯食係正既，仲要三隻蛋！叉燒都好好味！價錢都正常水平，果然唔錯！唯一可惜係坐得迫啲唔會好舒服，不過都預料中事啦