御泰坊-泰越菜 (裝修中)

如果lunch time唔趕的話，呢度係個唔錯既選擇，因為呢間餐廳都幾旺場，上菜都要等一陣，啲野食都係熱辣辣咁上碟，雖然唔肯定係咪即叫即整但整體觀感唔錯。叫左個set lunch ，前菜揀左肉碎米通、主菜揀左椒鹽豬排飯，個前菜唔錯，肉碎好有泰國味道，香料都有落足，好惹味。主菜個豬排肉質都唔錯，半煎炸都幾香口，仲有大量炸蒜喺面，熱氣但好惹味～但個問題係炸得好乾好乾，如果有啲汁可以點下會好好多。朋友點左個甜酸魚柳仲好食，因為冇咁乾～跟餐送既甜品係檸檬cheesecake, 又幾好食～ 酸酸地可以消滯。另外朋友再單點左個芒果糯米飯，賣相好靚！前菜+主菜+甜品$73 （已計加一） 喺apm黎講，性價比都ok, 而且環境坐得都舒服，可以一試。