王府

營業中

休息中

中環食飯一般人多擠迫,少人去嗰間就係麻麻地嘅餐廳。我去過呢間幾次,人唔算多,但幾好味,一改我之前嘅諗法喎。天時凍凍地,叫咗一碗韭菜餃加酸辣湯湯底,成碗熱辣辣送上嚟,真係睇見到都暖笠笠。餐廳講明餃子皮係人手搓嘅,比起一般用機器搓,梗係唔同啦,質感零捨煙韌。因為係北京水餃,所以皮係比較厚,食咗十粒水餃,已經夠曬飽喇!至於個酸辣湯湯底,唔算太辣,又唔算太酸,啱我個人口味,所以返食再返食都唔出奇。我之前食嘅都係淨水餃,一樣咁好味! 下次我要試下煎餃,同埋水餃麵,睇下係咪一樣咁出色至得。