嚐越 (已結業)

我見食評有咁多唔好，我最初有點擔心，但一路食落去，其實都冇乜野好彈！我食左大蝦柚子沙律，香草墨魚餅，南越爽燒蟹鉗，順化烤肉蝦片，嚐越炒飯，南乳吊燒雞，凍清甜椰青。我個人除左唔太鐘意個沙律之外，其他都好好味，其實沙律都唔差，但就係柚子同大蝦分得好開，味道各還各，唔係好MIX得埋咁！但都係好新鮮既！墨魚餅好嫰，我覺得值得食，烤肉蝦片好香口，唔錯，嚐越炒飯都好味，吊燒雞真係全日最好味既野！皮薄薄脆脆，好脆，不過怕咸既人就未必適合。埋單361, 算合理啦！我同老公兩個人食咋，食到捧住個肚走！總括黎講每樣野都唔係話差，但想食到越南風味既話，就唔係黎呢度LAW