影片
更多
2024-03-22
60 瀏覽
岩岩去完福岡，已經好掛住當地美食，然後呢排返左香港要派手信，約左朋友去食下九州料理，所以揀左呢間餐廳。原本只系打算懷念下九州風味，誰不知連環境、氣氛都仿似系日本，朋友們同我都覺得好似去左日本食飯咁！餐廳有個open kitchen，睇住廚師們忙碌地工作，仲有日籍廚師坐陣，能夠比客人睇到佢地有自信地烹調既面貌。另外餐廳亦會搞下氣氛，生日會唱生日歌，廚師、店員亦會同客人們一齊舉杯慶祝。炭火燒鰹魚 $98餐廳限定當日新鮮魚，每日不同，當日既新鮮魚系鰹魚，廚師用禾稈草加備長炭火燒表面，做成半生熟，食落帶有煙燻香，魚肉帶有鮮味，伴碟配有蒜蓉、葱花、芥末，可因個人口味加配。鐵盒燒廣島生蠔 $240 （芝士 +$48）用鐵盒燒生蠔幾特別，燒完店員會幫忙開蠔，我地只要安坐座位用筷子輕鬆就食得。生蠔好大隻、肥美、多汁，入口有少少sake香味，口感飽滿，另外加左$48加Raclette Cheese，芝士既奶香同咸香味令生蠔多左分層次感。栃尾油炸豆腐伴魩魚仔 $78油炸豆腐乾身鬆軟，完全無油膩感，配魩魚仔（即系白飯魚）同薑蓉一齊食，咸香味道帶少少鮮味。鰯魚伴明太子 $118鰯魚又名沙丁魚，原條沙丁魚以炭火
原本只系打算懷念下九州風味，誰不知連環境、氣氛都仿似系日本，朋友們同我都覺得好似去左日本食飯咁！
餐廳有個open kitchen，睇住廚師們忙碌地工作，仲有日籍廚師坐陣，能夠比客人睇到佢地有自信地烹調既面貌。另外餐廳亦會搞下氣氛，生日會唱生日歌，廚師、店員亦會同客人們一齊舉杯慶祝。
炭火燒鰹魚 $98
餐廳限定當日新鮮魚，每日不同，當日既新鮮魚系鰹魚，廚師用禾稈草加備長炭火燒表面，做成半生熟，食落帶有煙燻香，魚肉帶有鮮味，伴碟配有蒜蓉、葱花、芥末，可因個人口味加配。
鐵盒燒廣島生蠔 $240 （芝士 +$48）
用鐵盒燒生蠔幾特別，燒完店員會幫忙開蠔，我地只要安坐座位用筷子輕鬆就食得。
生蠔好大隻、肥美、多汁，入口有少少sake香味，口感飽滿，另外加左$48加Raclette Cheese，芝士既奶香同咸香味令生蠔多左分層次感。
栃尾油炸豆腐伴魩魚仔 $78
油炸豆腐乾身鬆軟，完全無油膩感，配魩魚仔（即系白飯魚）同薑蓉一齊食，咸香味道帶少少鮮味。
鰯魚伴明太子 $118
鰯魚又名沙丁魚，原條沙丁魚以炭火燒香，加上九洲名物明太子，咸香味中和左沙丁魚原本既腥味，所以食落無腥味。
薑蔥醋鯖魚卷 $98
用昆布卷住子薑、葱、紫蘇葉同鯖魚，食落幾fresh，因放左好多子薑，子薑味重。鐘意食酸菜類既朋友應該會喜歡呢道菜。
炭火燒雞 $168
去福岡時食過好好味，所以見餐牌有就叫一份，呢度用日本交趾雞既雞肉，雞肉結實有咬口感，炭火味濃郁，旁邊配有明太子醬。
山芋明太子鐵板燒 $78
將山芋整成泥蓉，口感綿密帶有黏口感，入面有八爪魚碎、明太子、生雞蛋，增加口感。
炭火鯖魚壽司 $108
壽司大大件，師傅將壽司飯壓到好實，壽司醋飯好香但又吾會好酸，鯖魚以炭火燒過，味道較重咸香，魚肉口感結實。
北海道布甸 $38一杯
布甸系由日籍廚師親自做，好香雲呢拿同牛奶味，口感未去到日本當地既布甸咁滑，但味道好好。
張貼
