同人燒 (已結業)

又一新串燒店開幕了，淨係醬料己有十幾款，混醬混醬又混醤，末食已先聲奪人。二百餘元二小時半比平常去開的多了半個鐘，終於不用食到最後亂陣腳，可慢慢嘆！食物飲料任點任食，種類尚算多。如想豪些少，只要加&98便可享受特選海鮮，如扇貝，蠔......等等。龍蝦雖然不是好大隻，但肉份量不少，蝦膏燒起來幾惹味，肉質彈牙爽口。扇貝鮮甜嫰滑，不須調味，原汁原味。海蝦亦不錯，Q弾。肥牛金菇，牛肉味欠奉，肉質尚算軟熟。羊架太羶。多春魚和鲭魚燒得香囗又不失水份。各類蔬菜瓜果都非常新鮮。整體食物質素一般，調味比較淡，所以建議掃點混醬或加些少海鹽提升味道。但可惜醬料又太稀，起不了多大作用。但考慮到二百多元的價錢，一班朋友可舒舒服服，一邊食一邊聊天，確係食得過。抽煙系統做得不錯，食後沒太多油煙沾上衣服，讃！希望食物方面可再檢討一下，期待下次再來時會有進步。