神山麺屋 (創紀之城五期(apm))

營業中

休息中

話說同男朋友都好鐘意食沾麵。呢日嚟行apm，未到食飯鐘數，但同男朋友經過呢間拉麵店就口痕想試下。由於只係個下午茶，我地都冇嗌好多嘢食。叫咗神山沾汁麵(加半份麵)同神山湯餃子share嚟食。麵條中規中矩啦，我個人就偏好食硬少少嘅麵。值得一提係個豚肉煮到好淋好綿密！我同男朋友一致認為如果沾麵個湯可以再熱就好啦。餃子方面都係普通， 餡料唔算多。另外，個湯頭同沾麵個個差唔多，不過再鹹少少。冇乜事我下次都係食返沾麵算。