School Food (已結業)

School Food進駐香港都一段時間,每次我經過都總有人龍,我都怕怕等位.今日少有地未見人龍. 終於有機會試一試. 今次叫左3樣唔Spicy嘅食物.1.石鍋梳乎蛋今期有一個芝士系列, 係其中一個吸引我入去試的原因. 我地叫左個石鍋梳乎蛋, 因為要焗的關係, 所以要等15分鐘. 好﹗我唔介意~一出爐, 真係好熱﹗蛋味很出, 很香, 而且唔太乾, 有蛋汁. 鍋邊還有乾乾的蛋, 好似煲仔飯的飯焦咁, 有香香的燒焦味. 其實如果配埋白飯就一流.2. 紅菜頭紫蘇蟹肉卷用紅菜頭,青瓜,紫蘇,蟹肉卷成. 紅菜頭汁染在飯上, 鮮艷嘅紅色,賣相好吸引,好靚,好似兩朵鮮粉紅色的花,好精細,我超鍾意! 加上少少嘅鮮青檸汁,味道好清新. 還有沙律醬拉花伴碟, 沙律醬又甜甜地,兩㮔味道加起來很夾, 我用壽司點曬D沙律醬, 我Friend 話我抹碟……Hahaha.3. 廚師卡邦尼年糕最後都叫左個年糕, 因為飽肚. 年糕非常煙韌, 很多汁, 但唔算太濃. 不過不失. 因為食埋年糕, 再試唔到其他野, 唯有下次再試其他啦.整體, 太古分店都唔錯, 平日放工都唔使等位, 環境算幾靜. 服務唔錯唔錯﹗