森林咖啡 (已結業)

尼間舖頭有室內同室外嘅位置，可以帶動物一齊黎。店內以兒時玩具為主題，近天花位置擺放左多款相機，大人、細路都適合。店外有簷蓬唔怕太陽曬，而且店鋪細心地預備蚊怕水，預防蚊叮蟲咬。因為地方有少少僻，所以唔算多人，黎到等一、兩分鐘就安排到座位。黎尼度享受一杯咖啡，慢慢調製適合自己既甜度、按自己喜好加入鮮奶，一個慢活、悠閒既週末，專心係尼杯咖啡裡面，好寫意🧡野食雖然用外賣食具，但質素都唔差，薄切雞扒大塊滑溜，雞皮炭燒過好惹味。大啡菇菇味亦都好出，雖然偏油，但有沙律菜墊底吸一吸，配埋蕃茄同菠蘿都好fresh。尼個份量下午茶就岩岩好。店員仲會喂食附近既松鼠🐿️，好容易就捕到松鼠出沒，同置身大自然一樣，好治癒。