英記美點小食 (已結業)

新蒲崗搵食記，今次要試試傳統嘅街坊美食。英記應該算係街坊老店，簡簡單單嘅裝修加餐牌，所有野都冇過多修飾。店員（定老闆？）極力推薦嘅懷舊豬油撈麵，認真試豬油真係第一次。入口冇想像中嘅油膩感，而且好香口，會唔經唔覺愈食愈多，不過最正係麵底，極爽口又冇鹼水味（個人口味唔愛鹼水味）雲吞唔係大大隻個種，入面有豬肉有蝦，就似細個樓下麵檔嘅味道，好食但同豬油撈麵比就較普通。要特別講下店家嘅酸蘿蔔，腌得好好味，加上蘿蔔爽脆，好清爽最岩解滯，配合麵食好正，一定要試！特別一講店員好nice好熱情，難得感受到香港嘅街坊味，呢餐唔貴但食得好滿足！