臨記車仔麵 (已結業)

阿媽話未食過呢間車仔麵，咁放假Lunch同佢試吓啦！咁我哋分別帶咗一個叫做豬八戒同一個牛魔王，加咗粒糖心蛋同一個桂花雞翼！之後我哋都仲叫咗兩個小食嘅，一個就係腐皮卷，一個係七味粉雞翼，好明顯我超級愛食雞翼啦！咁豬八戒呢我哋就要咗蕃茄湯底，入面有豬軟骨、豬皮同埋豬腩肉，媽媽話啲材料好入味而且好淋好易入口，老人家都食得，而且我哋仲加咗粒糖心蛋，我同阿媽都share左嚟食，糖心蛋我覺得要必叫，因為真係超級好味！咁我就食咗個牛魔王嘅，我要左麻辣湯底小辣，湯底真係幾正，入面嘅牛腩同埋牛肚超級入味，我亦都加咗個桂花雞翼嘅，真係食到桂花香架！七味雞翼都值得一試，七味雞翼食落去都幾似我食開嘅土匪雞翼，而且立即整出嚟熱辣辣，更加正！我腐皮卷我聽姐姐介紹係佢哋自家製嘅，食落去真係覺得好新鮮，都值得一試嘅！