酒筷子 (已結業)

今年生日，朋友搵咗一間新開嘅酒樓幫我慶祝，雖然係第一次嚟食，但係估唔到啲嘢食咁好味。幾款前菜都好特別，自己最鍾意嘅係九肚魚，非常惹味。杏汁豬肺湯非常清甜，有杏仁味得來又唔會太濃。另外個花雕蟹真係要讚，我自己本身唔鍾意酒味，但個蟹真係好香，啲面撈落啲汁度超正。最大驚喜嘅竟然係炒飯，真係冇食過咁好味嘅炒飯，大家有機會都要試吓。而另一個驚喜就係甜品竟然係砵仔糕，十勝紅豆好好味，個砵仔糕又唔太甜，加分。總括嚟講成餐飯都好好味，可以再encore。