影片
更多
2018-09-02
170 瀏覽
終於都到咗happy friday啦,之前無意中發現呢間我一直想試嘅cafe paradise喺杏花村開咗分店,仲要呢度嘅裝修原來係童話世界feel嘅迴旋木馬同埋公主式嘅南瓜車座位少女心即時無限爆發出嚟啦✨真係多謝哂我個美女同事訂埋位同埋陪我嚟呀之前一直想試嘅係太子分店,無論我試過打電話去book想去嘅時間都話full咗,試過喺附近行街諗住碰下運氣walk in,佢都話可能要排一段時間先至有得食......所以我都特別期待呢一晚嘅來臨丫。話說我三歲前嘅時候係住喺呢邊嘅,但係自從跟阿爸阿媽搬走咗之後真係一次都未嚟過呢個地方啦,所以收工搭地鐵嚟出咗閘之後都搵咗一陣先搵到餐廳嘅所在地,原來要入咗商場再行入小小就會見到。成個舖面主要都係白雪公主嘅天藍色裝潢,再加上近大門位置有兩個迴旋木馬裝飾,俾好可愛嘅熊寶寶公仔同埋心心眼嘅馬騮公仔坐住,啱哂啲小朋友嚟,帶佢哋進入童話空間食嘢。除此之外另一邊仲有一架南瓜車座位,想一嚐公主夢就要嚟碰下運氣啦因爲只此一架㗎咋,我哋嚟到已經見到有一家大細坐緊lu......而職員就安排我哋兩個坐去入面嘅普通位置。我留意到呢度嘅客人都普遍為年輕少女較多坐我哋隔離枱嘅仲
話說我三歲前嘅時候係住喺呢邊嘅,但係自從跟阿爸阿媽搬走咗之後真係一次都未嚟過呢個地方啦,所以收工搭地鐵嚟出咗閘之後都搵咗一陣先搵到餐廳嘅所在地,原來要入咗商場再行入小小就會見到。成個舖面主要都係白雪公主嘅天藍色裝潢,再加上近大門位置有兩個迴旋木馬裝飾,俾好可愛嘅熊寶寶公仔同埋心心眼嘅馬騮公仔坐住,啱哂啲小朋友嚟,帶佢哋進入童話空間食嘢。除此之外另一邊仲有一架南瓜車座位,想一嚐公主夢就要嚟碰下運氣啦因爲只此一架㗎咋,我哋嚟到已經見到有一家大細坐緊lu......而職員就安排我哋兩個坐去入面嘅普通位置。我留意到呢度嘅客人都普遍為年輕少女較多坐我哋隔離枱嘅仲係為朋友慶祝生日嘅添。餐廳嘅櫈都係用絨布包圍,所以都令人坐得舒服,不過我哋都一致認為二人位張枱好細丫,都爭啲唔夠位擺放食物🤭我哋兩個人叫咗一個晚餐set：一份280克美國頂級肉眼扒配露絲馬莉燒汁$228,套餐會有餐湯+沙律+餐飲同埋甜品,另外再叫一份all day breakfast(Paradise Energy)$93,再加一份小食芝麻雞翼$48,我哋兩個女仔最後都有啲嘢食唔哂,真係好飽丫。
呢間餐廳嘅員工都好有禮貌同勤力,會主動清理碗碟同埋我哋埋單之後個經理問我哋覺得呢度嘅食物如何呀？咁我哋亦都如實反映出我哋嘅意見：
280克美國頂級肉眼扒配露絲馬莉燒汁～叫嘅時候我問職員係咪碟上?佢話係呀所以我哋揀咗7成熟,但係呢份扒上枱之後切開都仍然會有血水滲出,肉質亦唔夠腍,筋亦較多。優點就係味道其實唔錯,塊扒醃得幾好味,配菜有薯蓉,翠肉瓜,三色椒同埋粟米,所以份量好夠,營養比較均衡。個露絲馬莉燒汁個名就好得意,不過我一向食嘢都唔太喜歡點汁嘅所以就冇試到啦,我見我同事都有點所以呢個燒汁嘅味道應該都唔差。後來經理就話我哋應該揀五成熟就唔會咁韌,靚嘅牛扒係唔需要咁熟㗎,咁我都明...但我哋叫七成都滲血喎,如果五成咪......不過唔緊要啦,如果我下次再嚟,會想試埋意粉或者pizza嘅～同埋要讚下呢份set嘅餐湯好好味,係粟米忌廉湯嚟,跟餐沙律配上胡麻醬亦好開胃
名為Paradise energy嘅all day breakfast：其實係包含有炒蛋,煙火腿,煙肉,漢堡扒,直布羅陀腸,茄汁豆,薯餅,烤蕃茄,炒雜菌,田園沙律同埋窩夫,呢份全日早餐嘅性價比實在好高,$93蚊有咁多樣食物實在好抵,不過都有某啲地方可以再改善下,例如炒雜菌味道偏咸,漢堡扒又冇乜味,同埋主要係煙肉同薯餅都油咗小小,其他嘢都OK,個心形窩夫好靚又好食,炒蛋亦都幾好呢份早餐都會配送一杯橙汁所以我哋兩個都有嘢飲啦～
芝麻雞翼係我同我同事嘅至愛一人兩隻好滿足,炸得好香脆,yummy
總括嚟講呢間餐廳嘅環境確實唔錯,三五好友嚟gathering飲飲食食影相打咭呃like就啱哂喇
跟餐粟米忌廉湯+胡麻醬沙律
9 瀏覽
0 讚好
0 留言
Paradise energy
$98
9 瀏覽
0 讚好
0 留言
餐飲熱咖啡
8 瀏覽
0 讚好
0 留言
280克美國頂級肉眼牛扒配露絲馬莉燒汁
$228
12 瀏覽
0 讚好
0 留言
芝麻雞翼
$48
8 瀏覽
0 讚好
0 留言
芒果啫喱
5 瀏覽
0 讚好
0 留言
張貼
