峰壽司 (已結業)

曾幾何時, 迴轉壽司令人好興奮好開心, 因為可以自己選想食咩, 睇中個樣先拎, 但其實而家坐迴轉已經冇意義, 因為迴轉果D款, 嚟嚟去去都係冇乜人食果d款, 而且都唔知佢轉咗幾耐, 不如坐order落order好過啦~ 新鮮好多, 尤其是果d軍艦款, d紫菜都唔會變咗梅菜丫~鹽魚背、鹽帶子明明叫咗走蔥, 唔知點解仲係要落蔥, 飛走d蔥後, 再加少少檸檬汁, 帶起海鮮的鮮味,但食唔到有鹽味?立魚、黃金粒貝魚都好新鮮, 黃金粒貝即係蟹籽+柱粒? 總之好食啦~鵝肝又係話走蔥, 不過今次的係洋蔥, 而且面頭有d金鉑, 如果走蔥就嘥咗, 所以要連埋d蔥食, 一啖放哂入口,  暖暖地, 表面脆脆地, 個心又溶溶地, 仲有d汁, 超正~右口魚平時食開都係叫左口魚, 呢度叫右口魚, 其實咪又係同一種魚~火炙劍魚腩、火炙蟹柳火炙完後係香口好多, 食咗咁耐劍魚腩, 都係第一次炙燒, 仲唔到都唔錯, 而個蟹柳仲有d芝士响面, 更香~金目鯛好少食, 肉質都唔係太特別, 只係價錢特別貴軟殼蟹卷、炸紫蕃薯、炸墨魚軟骨軟殼蟹卷 -> 面頭d黑色籽, 多到黏唔實, 跌到成碟都係, 成舊放入口, 唔係好食得出有