Mini Club (已結業)

我唔經常蒲吧， 但偶爾和朋友 飲番杯都算係件放鬆身心嘅美事。今日約咗朋友去山林道， 見到呢間吧嘅外觀很亮麗， 都想入去感受下新潮嘅氣氛。裏面 播住強勁節拍嘅音樂， 裝修亦都非常有格調， 完全將氣氛推到另一個境界。呢度無論酒精類同非酒精類嘅飲品都好有特色。朋友點了一杯pink eruption， 基本上由士多啤梨 ，爆谷和酒堆砌而成。 賣相已經足夠殺死人！😍我點咗杯冇酒精嘅飲品， beauty in the dark， 有士多啤梨混合oreo 嘅一杯特飲， 又係一杯賣相同味道都咁不得了嘅 製作😍之後點咗個松葉蟹鉗明太子 忌廉意粉， 蟹肉好多， 忌廉汁 混合咗明太子醬， 味道一級棒！👍話說這裏明太子製作出的食物都非常優質。 另外點的明太子雞翼， 除了非常入味之外， 雞肉的非常嫩滑， 是小食中的精品！這裏真是消閑輕鬆的好地方。