唐坊火鍋私房菜

營業中

休息中

✨🌠日前陪朋友去試左一間火鍋私房菜，餐廳位於23樓高層，大部份枱位都係靠窗而設，可以一邊食嘢一邊欣賞迷人嘅城市夜景，好舒服寧靜！😋我鍾意佢哋嘅冬瓜瑤柱鍋，湯底足料，煲滾後非常清甜消暑，打邊爐前一定要飲多兩碗呀！👍🏻火鍋材料新鮮好味，尤其係手切頂級鮮牛，肉味濃郁咬感十足；鮮鯇魚腩厚切肥美；頂級三寶丸入口多汁彈牙，絕對係高水準；黃金酥脆嘅炸響鈴，沾滿蛋黃醬同芝士，真係無敵好味！😉我仲第一次試佢哋嘅豆腐紙，長條形狀而且超級薄，質感同腐竹好似，帶少少甜味，非常獨特，值得一試！❤️餐後仲送左糖水，牛乳椰汁雪燕好養顏滋潤，為呢餐火鍋畫上完美嘅句號！