影片
更多
2014-12-23
1269 瀏覽
終於有朋友仔陪我睇星際漫遊喇，雖然要走到黎天水圍，無緊要，橫掂好多年都無黎喇。兩杯大可樂、細爆谷、熱狗，咁就百幾蚊喇，好貴啊，不過都知戲院係咁上下價錢。細爆谷，無咩特別，脆口又咸咸地，有點牛油味。辣肉腸熱狗，有幾款腸揀喎 ﹗唔多食到有酸瓜醬呢，沙律醬、芥辣加茄汁混醬好好味，如果有生洋蔥粒就更好 ﹗又係依隻麵包，好討厭又硬又刮口似法包，要用力扯用力咬用力趙。點解依家 UA 同百老匯都要轉晒用依隻，以前用軟墊既熱狗包咪好食囉 ﹗辣肉腸平平無奇，脆皮、味淡，還可以啦。又掛住美國 Taxco 既 USD1.5 蚊珍寶腸熱狗，大大條脆皮腸加上大量茄汁、芥辣、酸瓜醬、生洋蔥粒，再用熱辣辣軟墊熱狗包夾住，好食到震呀 ﹗汽水仲要您任飲添 ﹗食飽入場睇戲，完來係超迷你戲院，失望 ﹗
張貼
