奇華餅家 (馬鞍山廣場)

營業中

休息中

今年向奇華買满512，會送一合熊猫月餅，包括兩個迷你陳皮紅豆加兩個迷你蛋黃白蓮蓉月。奇華嘅紅豆月餅就年年都有食，今年第一次食陳皮紅豆。一食入口月餅皮夠薄，紅豆饀好實，入口已經有一陣陣陳皮嘅味道，一路食一路食到d粒狀嘅陳皮向紅豆溶度，初幾口真係好像我朋友口中唔好食，但慢慢食落味道適應到，食食下我覺得個陳皮味其實幾香口幾好食。自己一個人但係又想食唔同味嘅月餅，奇華岀左d迷你奶黃同蓮蓉月餅，啱哂我可以食哂唔同口味。奶黃月餅食落唔利口，味道淡淡的，唔覺甜，好清新。個蓮蓉好香，昧道濃又滑。