旺囍車仔麵 (已結業)

五點幾嚟到旺囍車仔麵，食個下午餐當晚餐，呢個鐘數客人非常少😐，好彩我見仲有啲外賣單幫補下。呢度 QR Code 落單，叫咗迷你牛腩麵配咖哩魚蛋，另外再加多碟炸魚皮。牛腩唔算好入味，但係炆得幾腍，口感唔錯；咖哩魚蛋少辣偏甜，係我鍾意嘅味道。其他嘢就正正常常，質素對得起價錢。雖然叫「迷你」，不過食完係絕對夠飽嘅。值得一提，店入面嘅裝潢雖然幾簡樸，但係牆上面居然有唔少宗教主題嘅掛畫，每幅都有意思，真係估佢唔到。