影片
更多
2021-09-15
983 瀏覽
我同同事嚟開V Walk食晏，我之前食過「篤篤船麵」覺得幾得意，而佢又話未食過，就一於入去開餐😊。啱啱到達嗰陣，餐廳都幾多人，始終正值午餐時間。店舖環境幾靚，因為周圍都好色彩繽紛🌈，有著紅黃藍綠四色嘅櫈仔，而且又有大大幅牆畫。我留意到餐廳有搞唔少噱頭活動，例如挑戰最多食幾多碗船麵同埋鬥快食船麵嘅比賽。餐廳現時採用QR code落單📱，但如果嗌細船麵餐就會揀到傻，要逐碗每個細項㩒，哈哈。反而以前劃喺紙更一目了然。泰多茜牛柳船麵($75)，「茜人」食佢就啱哂，因為碗麵堅係有真·激量芫茜山☘️。除咗面頭堆生芫茜之外，佢個湯底都充滿咗打溶哂嘅芫茜碎，所以每啖湯飲落都好重芫茜味。不過你亦都唔使擔心，佢個湯濃得嚟好易入口，唔重臭青味，否則我都食唔到。但湯底偏少，金邊粉又索湯，所以食到一半個湯已經蒸發咗八成。多茜船麵嘅餸料包括慢煮嫩滑牛柳同炸豬皮。🥩牛柳俾到意外驚喜我，佢並唔係一般肥牛，反而係有一定厚度嘅牛肉片，似似哋牛腩，牛味突出，由生浸到熟，肉質冇變嚡。豬皮就麻麻哋，因為唔夠酥脆。篤篤地道泰式細船麵($55/五碗)，細船麵好的骰，不過五碗夾埋食都飽㗎🖐。每款有大約三至四啖，一次過可以試到唔同餸料、
我同同事嚟開V Walk食晏，我之前食過「篤篤船麵」覺得幾得意，而佢又話未食過，就一於入去開餐😊。啱啱到達嗰陣，餐廳都幾多人，始終正值午餐時間。
店舖環境幾靚，因為周圍都好色彩繽紛🌈，有著紅黃藍綠四色嘅櫈仔，而且又有大大幅牆畫。我留意到餐廳有搞唔少噱頭活動，例如挑戰最多食幾多碗船麵同埋鬥快食船麵嘅比賽。
餐廳現時採用QR code落單📱，但如果嗌細船麵餐就會揀到傻，要逐碗每個細項㩒，哈哈。反而以前劃喺紙更一目了然。
泰多茜牛柳船麵
$75
21 瀏覽
0 讚好
0 留言
多茜船麵嘅餸料包括慢煮嫩滑牛柳同炸豬皮。🥩牛柳俾到意外驚喜我，佢並唔係一般肥牛，反而係有一定厚度嘅牛肉片，似似哋牛腩，牛味突出，由生浸到熟，肉質冇變嚡。豬皮就麻麻哋，因為唔夠酥脆。
篤篤地道泰式細船麵
$55
10 瀏覽
0 讚好
0 留言
1️⃣第一碗 = 牛柏葉 + 牛濃湯 +乾河粉，我認為牛湯呢碗感覺最正宗，味道較濃，帶點藥材味。
2️⃣第二碗 = 牛丸 + 牛辣湯 + 米粉，估唔到辣湯嘅辣度都幾強，牛丸就正常水平啦。
3️⃣第三碗 = 鴨血 + 牛清湯 + 檬粉，個人最鍾意牛清湯，因為最香口同入味，而檬粉滑滑嘅口感亦好正。
4️⃣第四碗 = 豬腩肉 + 豬辣湯 + 全蛋麵，豬辣湯同樣辣，豬腩肉就唔錯，夠大塊，又唔嚡。
5️⃣第五碗 = 豬肉丸 + 雞清湯 + 米粉，豬肉丸幾彈牙，雞清湯味道最清淡，反而令炸蒜香更出。
香茅豬扒
$25
13 瀏覽
0 讚好
0 留言
泰式時菜($12)，泰國舖竟然冇通菜賣有啲令人失望🙈，不過好彩佢碟生菜都賣得平，而且份量多。
蔗蝦($16)，好耐冇食過呢款小食，佢係兒時嘅味道👶🏻。佢即係由蝦膠包住碌蔗，外層爽彈得嚟有啲似魚餅。
蝦餅($16)，🍤蝦餅比起蔗蝦更Q彈，佢以吉列炸嘅方式整成，所以避免唔到有啲啲油。
總括嚟講，篤篤船麵富有自家特色，佢嘅食物味道未必令你好難忘，但勝在有創意，提供迷你船麵🍜，打卡一流。吖唔係，定應該讚佢夠傳統呢，因為泰國嘅船麵真係細細碗的。如果經過V Walk，不妨可以入嚟試吓，消費都唔算貴嘅。
張貼
