潤

營業中

休息中

即使係一星酒店餐廳，點心的迷你程度依然超越我預期… 居然冇乜人係食評提及過點心係咁迷你😅點心的確好精緻好靚但真心好細粒，每樣都係一口，份量真係太細.. 真係有少少又貴又唔飽的感覺。手工點心味道上沒有很驚艷，當中只有煙燻滷水鴨肝($228)同金蒜龍蝦春卷($168)係特別出色，我會推薦但其他都只屬一般。娘惹香辣咸水角($88)夠哂靚但糯米粉較重手，食落太黏糯，反而整成樹葉般的伴碟薯片像真度滿分好有心思。黑魚籽糯米小丸子 ($128) 新奇有趣，糯米飯包住豬肉再配一塊風乾魚子，軟糯帶鹹香，創新配搭。錦繡球黑椒和牛酥($128)比咸水角更細，裡面的黑椒和牛係ok既但冇乜特別。西班牙黑豚肉叉燒腸粉($188)，腸粉皮薄但麵粉甚重，食落有少少漿口，叉燒夾咗入腸粉再蒸其實真係唔會食到太大分別。蟹粉菜式亦只是普普通通，不過不失。最後諗住叫個銀針粉填肚，但都係好細碟而且太多甜豉油令味道偏甜唔好食，要加豆瓣醬食先ok。