東京天井食堂

營業中

休息中

呢排日日都落雨，無聊在家重温了電影《迷失東京》，令我回想起上年幫襯過既東京天井食堂。打個電話俾老友，很快約好下星期二訪。今次平日7點幾去食個dinner，係門口等位時已留意到店內擺設與上年到訪時不一樣，陳列著幾支清酒，櫥窗還貼上了asahi啤酒的手寫宣傳單張。等左大約15分鐘，店主便親自招呼我們入座。甫一坐下，便先點了2杯啤酒。上次試咗鰻魚，今次就試下佢個牛肉壽喜燒。沾上蛋漿的牛肉好香好香，配上熱騰騰的珍珠米，本身諗住減肥都忍唔住加咗碗飯(免費添飯喎大佬)同行友人是星爺的忠粉，不假思索點了黯然燒魚飯，評語言簡意賅：啖啖肉，個汁夠哂惹味。仲叫左幾串串燒，配上啤酒。雞軟骨最正。一個字：爽！人到中年，雖然談不上有什麼成就，但仍然能捧着肚腩和兄弟談天說地小酌一杯，已教我心滿意足。下次再來希望可以飲一杯suntory whisky。