世界の山ちゃん (已結業)

一些食物理論上可一個人食，但獨食總不及與朋友邊食邊吹水過癮，所講的便是雞翼這東西。尤其是往日本居酒屋食「手羽先」（即雞翼），更需有酒友相伴。忽然很想食名古屋名物的炸雞翼。食名古屋雞翼出名的連鎖店「世界の山ちゃん」繼尖沙咀店後，近日在銅鑼灣呢邊開了新分店，剛好朋友在呢區返工，便一同前往，渡過愉快的一夜。唔駛諗，先來此店最出名的夢幻雞翼。細細隻，唔易飽、送啤酒一流。雖然雞翼看來乾身了點，但吃落感覺不油又不柴口，加上其有獨本秘方的胡椒味粉，真係食唔停口。名古屋另一名物是赤味噌，叫番個赤味噌炸豬肉串，又香口又甜甜地兼啖啖肉，我同朋友都好like。而那些椰菜用來點味噌吃，又幾好食喎。叫多個鐵板扁麵。汁帶微辣，有些豬肉碎，粗粗的麵條好吸汁，有驚喜。唔夠喉，叫多個黑色雞翼，再配番杯Highball。黑雞翼味道又鹹又甜，濃少許，但感覺還是夢幻雞翼好味D。最後叫多個味噌烏冬，反而沒我想像中濃味，味道OK，但談不上特別。埋單前以為唔貴，但食吓食吓連酒水每人都要三舊水，可見雞翼這東西的魔力，是會令人失去理智的。