Itamama (荃新天地2)

營業中

休息中

今日過嚟睇戲，嚟早咗，所以係到食個早午飯，其實係遲咗一步，如果唔係，就趕得切食早餐。眼見佢哋嘅早餐都唔錯。唯有下次。午餐餐牌大部份係意粉及飯，但當中竟然有款冇米飯，就叫嚟試吓。由於啱啱轉午餐，員工忙於收拾早餐碗筷，所以由點餐至上菜都等了一段時間。三文魚冇米飯先上，飯腳以為上錯，以為真係飯而唔係椰菜花。試入口，其實都幾唔錯，三文魚味，加上咬得到的蟹子，食起嚟都幾豐富。但因為等埋飯腳嘅意粉先一齊食，所以等到凍哂，影響整體口感。白汁海鮮意粉夠熱，所以十分好食，味道恰到好，意粉又煮得有咬口。估唔到itamama追得上潮流，提供無米飯。希望餐廳可以留意上餐時間，免得熱飯冷食。