尚點 小籠包.上海麵館 (元州商場) (已結業)

今晚趕睇波，同老婆食早飯，去尚點用埋張會員減$60 coupon，今次由老婆點菜～鮮肉小籠包味道幾好，每隻小籠包裏面都有一湯匙湯汁，熱辣辣時原隻送入口好正！咦？！個黃魚煨麵之前係大湯碗上，今次變咗鐵煲上，份量感覺上縮晒水，味道都淡咗，有D失望～老婆話試吓新嘢，今次唔食佢最鍾意嘅年糕，叫咗個砂鍋津白，有蛋餃、豬肚、炸魚、粉絲，份量唔算好多，味道都唔錯最後叫咗個雷沙湯圓，不過賣相真係唔多掂，扁嘅？而且粉唔夠多咁，見到都唔係幾有胃口⋯咬開粒雷沙湯圓⋯味道一般啦，樣衰但唔難食嘅，不過以後唔會再叫囉～扣咗＄60 coupon今餐只係$160