影片
更多
2015-01-06
1377 瀏覽
禾牛薈, 係我一向打邊邊嘅至愛. 話說自從有朋友幾年前帶我食禾牛薈, 一食發現超好食呀, 有好多特色湯底同特色食物. 之後數年間每年例必番桌幾次, 亦介紹左同帶左好多FD去, 個個都話係貴, 但係好食! 尤其是九龍城總店!今個冬天第一次去, 本來諗住一定會寫一篇笑臉嘅食評, 點知食完後變左喊面, 仲要我同d FD (就係第一次帶我去果d)都覺得以後應該唔會再去了...我係之前一日訂位的, 本來重驚住會冇位因為係食星期六不嬲知佢好full, 好彩都訂到. (不過去到就知點解了... 星期六晚我地食 ~18:30 - 21:00, 成晚連下層都坐唔滿... 而下層只得唔夠十張枱...)講番野食, 我地叫左:瑤柱火腿冬瓜湯 $98菜干豬肺湯 +$30特級手切肥牛(例) $168滑雞件 $58豬紅 $35意式牛肉餃 $52魚皮餃 $48脆鯇片 $58脆炸響鈴卷 $68白牛柏葉 $38炸魚皮 $38三菇拼盤 (秀珍菇,雞脾菇,鮮冬菇) $68金菇 $32粟米 $32滑豆腐 $28唐生菜 $35油麥菜 $35蜂蜜蘆薈特飲(咁上下名) $45茶芥 $18/人以上 + 10%係咪見到d野食好清呢, 其
今個冬天第一次去, 本來諗住一定會寫一篇笑臉嘅食評, 點知食完後變左喊面, 仲要我同d FD (就係第一次帶我去果d)都覺得以後應該唔會再去了...
我係之前一日訂位的, 本來重驚住會冇位因為係食星期六不嬲知佢好full, 好彩都訂到. (不過去到就知點解了... 星期六晚我地食 ~18:30 - 21:00, 成晚連下層都坐唔滿... 而下層只得唔夠十張枱...)
講番野食, 我地叫左:
瑤柱火腿冬瓜湯 $98
菜干豬肺湯 +$30
特級手切肥牛(例) $168滑雞件 $58
豬紅 $35
意式牛肉餃 $52
魚皮餃 $48
脆鯇片 $58
脆炸響鈴卷 $68
白牛柏葉 $38
炸魚皮 $38
三菇拼盤 (秀珍菇,雞脾菇,鮮冬菇) $68
金菇 $32
粟米 $32
滑豆腐 $28
唐生菜 $35
油麥菜 $35
蜂蜜蘆薈特飲(咁上下名) $45
茶芥 $18/人
以上 + 10%
係咪見到d野食好清呢, 其實我地好鍾意呢度(以前) d湯底好夠味, 我就最鍾意落滑豆腐, 響鈴呢d吸味嘅野食用黎吸d湯底, (以前)係超級好食的! 每次最後都會加order起碼2個滑豆腐 & 2個響鈴 (3個女仔食渣喎 XD), 反而牛呢d本身濃味野就唔多好, 覺得會蓋過湯底嘅味道.不嬲最鍾意菜干豬肺湯因(以前) d湯底真係好似係屋企阿媽煲靚湯一樣味! 呢個湯底最適合打到中後期"畢"黎飲因d菜干同豬肺出曬味. 我FD最鍾意冬蔭功湯底(不過今次怕熱氣冇叫), (以前)同去食泰國野飲到嘅一樣味, 重好多蝦係湯裡面, 呢個要一開始就飲, 唔係會唔同曬味! 好啦講番今次d 菜干豬肺湯同瑤柱火腿冬瓜湯, 個菜干豬肺湯係完全冇咸味的!! 我懷疑佢唔記得落盬... 真係只得少少菜干煲左水嘅味 >_< 個瑤柱火腿冬瓜湯有少少咸味, 但應該係d瑤柱同火腿嘅咸味, 都係冇落盬... 我同FD一試後都不禁心裡一沉, 點解d湯底冇味嘅, 以前唔係咁架!!! 好失望呀不過冇辦法... 唯有希望打打下落左食物會有d味(不過最後都係冇味嘅... 因佢煲到冇湯時幫我地唔係加湯, 係加水... 所以只會愈來愈淡... 愈來愈淡... 救命呀! >_< )
食物方面, 除左味道正正常常的來貨食物冇咩要評外, 佢d野食:
肥牛: 係唔似手切, 似機切因為d切口好整齊, 好韌一d都唔嫩嘅... 食剩左半碟 >_<
滑雞件: 又係好韌, 以前真係好滑的說... 因係我叫的我食左3件... FD都唔肯食...
豬紅: 似食緊橡膠, 因係我叫的我食左2粒...FD都食左一啖就放棄...
意式牛肉餃: 以前好好食的, 好似食緊肉醬意粉d肉醬, 今次味道都同以前差唔多, 但d餡好碎, 我懷疑佢唔記落生粉/蛋白果d落d餡度等佢結實d所以好碎...
脆鯇片: 唔係脆鯇... 係硬膠鯇片... 只落去煮到剛熟都好硬... 又係我叫的唯有食左4片... 好難梗...
脆炸響鈴卷: 正常好食, 不過好似比以前細卷左??
炸魚皮: 唔知係咪來貨, 但好碎濕濕, 最大果片都係得 2cm x 2cm... 又好淋唔脆... 搞到冇心機食, 食左幾片放棄左成籃 >_<
唉... 食完後我同FD都話成晚都只能靠點個豉油醬黎加味, 唔係真係淡如水... 其實真係唔想寫喊面的食評, 要花多好多功夫而且一定唔會攞到編輯大大A+推薦...
食左 $380/人都唔平, 不過黎禾牛薈預左$500+ (因平時仲會加叫特色食物同海鮮, 今次見佢d湯底同食物咁就算把啦...), 係冇諗過退步左咁多... 好灰...
張貼
