大快活

營業中

休息中

尋日去左呢間食下午茶，嘩！唔知點解勁多人。收銀又得一個，所以等既時間仲長過糖街果間。我當然想食燒髀啦，點知賣哂。咁就食西多士配雞翼，飲紅豆冰。點知連紅豆冰都無，實在太差啦。我去到水吧居然見到一隻隻既燒髀，我想食架，但我唔想再退錢咁煩。總之，水吧同收銀既溝通唔多夠。西多值得欣慰既係，西多係即整既。個邊好脆口，又夠熱。加上牛油同糖漿就更好。但快活既牛油係好難開架，糖漿都係果句，應該換過第二隻會好。但整體上都可以既。雞翼好甜呀，個皮好脆口，肉質都唔錯架。凍奶茶落得太多奶，好似飲緊奶水。奶茶都係大家樂好飲。食物就無乜野，但服務就唔得啦。咁多人剩係得一個收銀點得架，紅豆冰又咁快無哂。佢地預野應該預多小小，咁會好。