曲奇薈 (已結業)

今日母親節，做孝子賢孫、女婿媳婦點可以唔做返啲野孝敬我地偉大嘅媽咪呢？😚曲奇薈嘅鴛鴦蝴蝶禮盒🎁由於媽媽對曲奇冇乜興趣，但係對蝴蝶酥好似幾有興趣😂所以就買左呢一盒入面有十多塊蝴蝶酥同杏仁棒嘅禮盒送比媽媽❤️😘💰HKD118蝴蝶酥有好多味道，例如羅漢果、桂花、朱古力等，不過我個人中意原味多啲😁大家買之前店員仲會比你試味嫁💁🏻我有試過桂花味，但係我覺得好似冇乜味咁，食唔出桂花味。蝴蝶酥係用少糖少油整成嘅，食落甜度適中不太甜，而且脆卜卜，唔會成口油🍪而杏仁棒好香杏仁味，亦都係脆卜卜，好岩中意Nuts嘅朋友🙆🏻健康得黎又好味，而且包裝十分靚，用黎送禮大方得體✌🏻️母親大人都話好味❤️❤️（雖然我知道啲媽媽通常都係話仔仔女女健康快樂，一家人齊齊整整就得，咁但係如果有禮物收一定會開心啲😝）