影片
更多
2006-05-12
10 瀏覽
昨夜一家聚首一堂，一同慶賀母親節，母親提議到鳳城(當然係太子嗰間la)，我當然雙手雙腳贊成，我星期一就打電話去訂位，因為想一試佢哋嘅炸蟹鉗...到咗琴朝早當我打電話去confirm嗰位時佢哋竟然話無蟹鉗，令我嘅心情一下子跌進低谷...但當我去到落order時，部長又話原來有留俾我哋wor，心情登時立刻亢奮...一家十二口，可以差唔多叫晒所有想食嘅招牌菜，但好奇怪個部長猛sell佢哋D套餐，但其實我係想散叫，因D set入面嘅嘢唔係全部啱心水。但通常散叫都係貴過食set，我心想呢個部長真係"倒米壽星"..^_^終於最後我點咗十餸及一個dessert，真誇張^_^1)乳豬拼生腸---鳳城名菜之一，最好食係嗰D生腸，既爽亦無任何怪味；乳豬雖偏肥，但皮脆，用嚟送酒掂哂；2)鍋蝦拼炒奶--- 亦係呢度名菜，鍋蝦嘅麵包(多士)炸得相當脆口，蝦亦十分新鮮彈牙；D炒鮮奶嘅水準反而有點退步，不夠滑；3)金錢雞--- 一個要預定嘅菜，亦係對所有要keep fit人仕嚟講嘅天敵。琴晚呢個菜嘅水準就俾我上次食差咗少少，件肥豬肉及雞肝薄咗，整件好似縮咗水，亦唔夠上次食咁甘香，不過呢D懷舊菜，有得食已經好好la.
到咗琴朝早當我打電話去confirm嗰位時佢哋竟然話無蟹鉗，令我嘅心情一下子跌進低谷...
但當我去到落order時，部長又話原來有留俾我哋wor，心情登時立刻亢奮...
一家十二口，可以差唔多叫晒所有想食嘅招牌菜，但好奇怪個部長猛sell佢哋D套餐，但其實我係想散叫，因D set入面嘅嘢唔係全部啱心水。但通常散叫都係貴過食set，我心想呢個部長真係"倒米壽星"..^_^
終於最後我點咗十餸及一個dessert，真誇張^_^
1)乳豬拼生腸---鳳城名菜之一，最好食係嗰D生腸，既爽亦無任何怪味；乳豬雖偏肥，但皮脆，用嚟送酒掂哂；
2)鍋蝦拼炒奶--- 亦係呢度名菜，鍋蝦嘅麵包(多士)炸得相當脆口，蝦亦十分新鮮彈牙；D炒鮮奶嘅水準反而有點退步，不夠滑；
3)金錢雞--- 一個要預定嘅菜，亦係對所有要keep fit人仕嚟講嘅天敵。琴晚呢個菜嘅水準就俾我上次食差咗少少，件肥豬肉及雞肝薄咗，整件好似縮咗水，亦唔夠上次食咁甘香，不過呢D懷舊菜，有得食已經好好la...
4)釀鯪魚--- 又係要預定嘅。條魚嘅size算很大，係香港依家好難找到相類分量嘅鯪魚la。獻汁相當多(至少比我預算嘅多)，呢個亦係個菜嘅美中不足之處，D汁浸軟咗本身煎香脆嘅魚皮，令D魚皮變得太腍，影響咗口感。但條魚本身好靚，再加上下了足夠陳皮及其他配料如冬菇及葱，所以我一個人差唔多包辦咗半條...
5)炸子雞--- 另一招牌菜。四個字講哂--- 皮脆肉嫩；
6)西生菜鵪春鬆--- 份量比以前少了，但水準依舊；
7)炸蟹鉗--- 全晚高潮所在。一上檯時候自己暗喝一聲采。size大之餘，炸功相當出色，一咬下去，發覺蝦膠以內包住整隻蟹鉗，真的不惜工本，怪唔得真係要預訂，味道當然係極之鮮甜la，再配上蒜茸淅醋，真的相得益彰；
8)炒桂花魚肚--- 四個字形容--- 平平無奇。
9)金銀蛋覓菜--- 份量多，菜頗嫩，皮蛋亦靚；
10)西蘭花帶子--- again平平無奇；
11)西米蓮蓉焗布甸--- 又要預訂。不太甜，西米夠多蓮蓉亦夠滑，連平時不太食甜嘢嘅母親亦讚不絕口。
埋單約$2200，係鳳城嚟講算係貴，但為咗個蟹鉗都係值嘅...
母親節快樂! ^_^
張貼