Stormies (已結業)

好一段時間沒有食西餐，假日訂了飛睇星戰8順路在Yoho mall揾間西餐試下。因為想食牛扒參考食評最終選了這間。到達餐廳11:40被服務員無咩禮貌咁趕出來才知道12:00才開門。先去攞戲飛之後12:00再番入去。這個周日這餐廳並沒有其他食評說那麼多人，到我13:00離開時也食不到一半枱。唔知老板心態全場都係貌似菲藉女服務員，仲要全部板面無笑容，老婆因爲坐在風口下想換個位都比人粗聲粗氣對待（當時全餐廳得兩枱有人）。感覺餐廳扮晒勁要人用英文落單好似高級D咁。我和老婆點了牛扒和雞扒漢堡各一份共享，湯幾好飲沙律無得選汁有D酸食唔慣。牛扒叫medium結果做了7成熟（肉帶紅但完全無血水），好彩肉質嫩，肉味也有都無失望=》好食。薯條新鮮炸起配茄汁算可以，如果粗身D無炸咁耐會更好。雞肉漢堡D雞肉好鞋無味，無下次。甜品係芝士cake我無咩研究但老婆鍾意。阿仔自己成塊牛扒高速食晒唔洗講佢非常滿意。百幾蚊個lunch認認真真的5個course我覺得算抵食。埋單5百加埋imax戲飛咁就成千銀，香港地錢真係唔見使。在yoho mall想食牛扒，無選擇之中的選擇。