川熙樓 (已搬遷) 新店位置

平時飲酒地方對面有一間四川菜見都吾少人上去，所以找左個平日同男人2個去試下。苦蕎茶：可解辣，飲落舒服。酸辣土豆絲：偏濕易入口，味道少少辣，切得夠幼身而且份量都不少。水煮肥牛：不叫十分辣但有佢既香口，問左原來佢想多點人接受到而偏吾辣，之後我地加辣後就香口辣好多。牛肉和紅薯粉吸左汁之後好香但有原本味道。蒜泥白肉：當初心想咁少蒜泥，原來有不少的蒜泥再爛而放入醬汁內。肉夠薄才可吸晒醬汁。不錯的小食。簡陽羊鍋湯：一來時覺得羊都份量不少，飲下去羊味好夠好香，而羊肉咬下去以為硬但原來很淋同皮一點都不覺得肥。豆奶桃脂：豆奶味勁香，加上桃脂有少少口感但吾硬又吾太甜，飲都清清地，做最後之甜品不俗，還可解辣。