La Famille (已搬遷) 新店位置

之前係尖沙咀見到有專櫃賣，點知到我想買既時候就發現已經無左，今日有機會去中環就即刻諗起，一定要買番去試下。因為好小去IFC唔係好識路兜左成個圈先搵到，一黎見到咁多款真係唔知揀邊一款好，每個蛋糕都好精緻，真係睇到眼都花埋，最後揀左日本柚子味，因為平時好小見到咁既口味既蛋糕，緊係試下新野。食落去都幾fresh，好香既柚子味，仲有柚子粒，中間係cream黎，估唔到連cream都係柚子味，又唔會太膩，兩個人食岩岩好。