The Little Devil (已結業)

勝利道有好多野食，特登黎左試little devil，叫左田螺焗薯蓉，比目魚南瓜risotto同羊架，仲有蘑菇湯。田螺焗薯蓉好正，一黎好大碟，二黎剩係食薯蓉都有田螺味係上面，證明timing計得恰好，好食。比目魚南瓜risotto還好，risotto唔會硬，不過唔係creamy果隻，比較爽身，睇下你本身喜歡乾身啲嘅定點。比目魚稍為遜色，好咸，雖然好大塊，但無乜食哂佢嘅意慾。蘑菇湯嘅菇粒好多，好有咬勁，一飲就同罐頭湯有分別，略嫌味道偏淡。最後嘅羊架好正，煮得岩岩好，又唔會韌而且好容易就切得開，仲有三件。再附送酸味味嘅沙律，十分開胃。入邊餐廳較暗，比較浪漫，適合情侶。