La Vache!

營業中

休息中

第一次黎食，唔駛揀食乜，淨係講要幾成熟就得，夠專注，我欣賞，亦好岩啲選擇障礙嘅人 。先黎左個好硬好硬嘅麵包，牛油係軟屬的，唔會雪到硬晒，然後再上埋有果仁嘅沙律🥗 配左黑醋同橄欖油 。終於等到主菜—medium rare嘅牛扒🤤🤤🤤佢下面會有個蠟燭底坐，為免啲牛扒凍哂唔好食，一望啲扒色好靚，好juicy，燒得剛剛好，又唔鞋，又唔韌 。跟手個侍應就夾埋呢到都好出名嘅薯條🍟 又真係好香好有薯仔味，只可惜凍左，同埋今晚可能太忙，個侍應服務都幾rude。之後因為我地坐係酒吧枱前面，咁岩佢問我地啲野好唔好食，我地就話好食，只係想啲薯條熱啲，跟手廚房就出一碟新炸起有溫度嘅薯條🥹 係真係好食好多 。最後可能因為人多，冷氣開大，所以就算有蠟燭啲牛扒都有啲凍左，即時無咁好食，所以下次都係趁熱食左先，薯條可以後追加 。