Gastrobox The Union (已結業)

星期五同朋友happy Friday, 去咗堅尼地城揾食。搵下搵下行到呢個比較隱蔽嘅餐廳就入咗去。裏面地唔算好大，不過每張枱都夠闊落。我哋一行四人被安排坐係角落嘅位置，尚算有個私人嘅空間可以讓我哋幾個詳談。我們點左一個珍寶虎蝦配黑松露意大利飯，扇貝紅花忌廉扁意粉同一隻燒春雞。risotto賣相都OK，不過啲飯就稔左一啲。飯入面混合左青椒紅椒粒，仲有個cream sauce打底，其實個味道唔差，只不過佢標榜嘅黑松露味道我就一點都食唔出，所以有啲失望。至於隻蝦加咗芝士，蓋過咗啲鮮味。整體來講碟飯就一般般，不過不失。令外個扇貝意粉好有趣，我想像佢係比較偏紅色嘅，但係唔知點解出到嚟會變咗偏黃。意粉都夾集左一啲青椒紅椒，味道好似同飯差不多。唯一可取嘅地方就係意粉烚得尚算有口感，生熟度比飯好多，扇貝又加左一啲cream sauce去焗，佢個整體來講一般般唔算特別新鮮鮮味。至於燒春雞都算係當晚最好食的菜。雞燒得都乾身脆口，肉質亦鮮嫩多汁。反而我覺得唔點醬更加好味。可以一試嘅。另外兩味菜就唔好期望太大啦。