和牛88

營業中

休息中

和牛88以前嘅晚市係無套餐嘅，可能依家搬到鰂魚涌更接近民居，所以改一改作風徇眾要求推出晚市套餐， 你話點可以唔去試下呢?😄一人份晚餐有沙律+主菜+小食+汽水，價錢由$128-$278，睇你揀咩主菜，特色梳打另加$10, 雪糕就另加$18。我今次就叫咗紅酒牛脷飯($128)。 先上嘅係沙律，食材新後鮮，味道唔錯。 再嚟係小食牛肉薯餅，炸得鬆脆可口，唔會油淋淋。 飲品係荔枝梳打， 味道正常。終於到主菜上啦， 牛脷切到一粒粒煮得好軟好淋，仲有幾塊剛剛炸好嘅薯角， 食物個汁嘅味道都好夾， 的確係水準之作!星期五夜晚七點鐘都只係得3-4檯客，10個人都無， 香港人去曬邊? 真係返哂深圳搞夜經濟?附近嘅居民可以去支持下本地有心製作食物嘅小店。 對區外客而言，地點都算就腳呀，離開太古城站B出囗行大約5分鐘，又有巴士電車小巴，其實都好方便。