舞鶴鐵板燒 (已結業)

舞鶴喺銅鑼灣立足超過五年 一直都以大件夾抵食同唔花巧嘅高性價比做賣點😉 最近嘅生意雖然受到疫情影響 不過舞鶴依然維持原有嘅計劃 喺同區開設分店 而且仲加入鐵板燒嘅元素🔥 新店空間感好大 而且分開壽司同鐵板燒區域 抽風系統好強 食住壽司係完全聞唔到鐵板燒嘅油煙味👍🏻 .今次試咗晚餐時段嘅omakase 包括海鮮蒸蛋、10款刺身、1份鐵板燒熟食、5件壽司、時令日本進口水果 整體嚟講刺身都算新鮮 齋食刺身其實飽咗一大截😂 .鐵板燒嘅熟食我揀咗銀鱈魚配南瓜蓉🐟 口感外脆內軟 保持到魚肉嘅嫩滑 而且仲有煎香咗嘅魚皮同皮下脂肪 算係幾驚喜 下次反而可以試吓個鐵板燒🤪