影片
更多
2020-03-08
3239 瀏覽
疫症期間 以為街頭人都無隻 但元朗卻係人强馬壯 尋日奶綠男收工天色已暗 屯門過元朗最快 就黎到呢間幾出名既616牛肉火鍋專門店 一入到店員即刻帶我地埋位仲提供信封同酒精搓手液俾我地消毒 服務一流💛開頭我仲以為呢輪應該無咩人打邊爐 因為前一輪新聞一出好多火煱店都推行支持外賣打折 好似好多人都唔出街食飯更加唔敢邊爐咁 但我地坐低睇直播無耐 出自助醬料區起身先覺原來已經全場滿座🤯其實人人都做足個人衛生既話 真係無咁驚 所以依輪識食一定係揀一啲相對會有衛生意識既餐廳黎食飯🤨落單方面依度係會俾部平板電腦你落單 有好清楚簡單既介面 呢間店真係好適合鐘意食牛既人黎 叫得牛肉火鍋專門店 所以佢既菜單主要款式都係以牛為主 其他火鍋配料上會比較小選擇 海鮮蔬菜好似得幾款揀〰️點餐過程都好方便 仲有個20分鐘既漏斗計時 好似話如果超過20分鐘仲未到齊嘢食就唔收錢 好有效率 就黎餓扁起鋪頭附近既話黎食牛岩曬😌唔多記得佢地湯底料 但印象中都有好似六七款揀 店員有推介個幾吸引既花雕花甲湯底 可以食完再滾牛 但奶綠男鐘意食酸菜 所以最後我地要左酸菜湯底 唔驚艷但夠味幾開胃😛碟碟牛肉48-68不等 每款小
一入到店員即刻帶我地埋位仲提供信封同酒精搓手液俾我地消毒 服務一流💛
開頭我仲以為呢輪應該無咩人打邊爐 因為前一輪新聞一出好多火煱店都推行支持外賣打折 好似好多人都唔出街食飯更加唔敢邊爐咁 但我地坐低睇直播無耐 出自助醬料區起身先覺原來已經全場滿座🤯
其實人人都做足個人衛生既話 真係無咁驚 所以依輪識食一定係揀一啲相對會有衛生意識既餐廳黎食飯🤨
落單方面依度係會俾部平板電腦你落單 有好清楚簡單既介面 呢間店真係好適合鐘意食牛既人黎 叫得牛肉火鍋專門店 所以佢既菜單主要款式都係以牛為主 其他火鍋配料上會比較小選擇 海鮮蔬菜好似得幾款揀〰️
點餐過程都好方便 仲有個20分鐘既漏斗計時 好似話如果超過20分鐘仲未到齊嘢食就唔收錢 好有效率 就黎餓扁起鋪頭附近既話黎食牛岩曬😌
唔多記得佢地湯底料 但印象中都有好似六七款揀 店員有推介個幾吸引既花雕花甲湯底 可以食完再滾牛 但奶綠男鐘意食酸菜 所以最後我地要左酸菜湯底 唔驚艷但夠味幾開胃😛
碟碟牛肉48-68不等 每款小小一碟 牛肉片夠薄切 黎到就可以起筷按照枱面上既餐紙碌幾多秒就食得 傻下傻下既都可以碌得好 唔洗驚碌過籠 食老牛喇 碌幾秒就食得 放工就餓扁黎食 得救🥺
比較推薦佢地既五花趾同匙炳 五花趾匙炳 因為我個人比較鐘意食相對瘦同爽口既肉講下個題炳 佢一碟係$48 題炳 係牛既肩位 即係膊頭肉 係比較瘦既肉 食落幾爽口 有陣濃既牛肉味 岩曬我胃口〰️
另外推介既另一個部位係五花趾 係比較小食到既部分 所以係起罕有牛肉個類別要$68碟 紋理好夠明顯 切得夠薄所以食落幾爽口😛
另外聽人講話佢個牛丸好似幾正 但我食落又覺得一般般 無呀媽鄉下個啲潮州手打牛丸咁驚豔 唔係個種會咬落中間有氣洞有啲肉汁漏出黎個種 但唔難食都彈牙
總括黎講牛魔王可以黎黃幫襯止下牛癮 最後飲返支玻璃支裝烏梅汁酸酸甜甜 即刻再開胃 可以去食甜品喇😛
Ig: greenmilkt_
張貼
