鐵牛台灣牛肉麵 (旺角中心第一座) (已結業)

今日同朋友去咗旺角行街街，行到攰想搵個地方食個下午茶，因為又唔係太肚餓，簡簡單單就好～之前成日去旺角中心地庫既一間台灣食店「鐵牛」今日再返返去，裝修好似有啲唔同咗喎 ～Menu 都轉咗，之前係劃紙仔既，而家就改咗用 QR code 落單，不過一樣都係咁抵食！😝😝我最鍾意就係佢既下午茶，份量唔會太多，啱曬我地女仔唔係食得太多嘢🙂下午茶可以揀一款主食同埋三個小食，感覺好豐富，主食方面有滷肉飯、擔擔麵、 肉燥湯麵同埋麻醬乾麵可以揀，我最鍾意食係乾麵，撈埋麻醬嚟食好有台式風味😋小食方面都有好多唔同選擇，可以揀牛肚絲啦、豬耳絲啦、滷蛋啦、小黃瓜啦、地瓜啦、鹽酥雞啦、小香腸等，可以每次都揀唔同嘅小食轉下口味😬小黃瓜係我必然之選，酸酸甜甜好開胃，另外會揀牛肚絲或者豬耳絲，再揀一款其他～飲品方面都有好多台式特飲，不過多數都要加錢，唔需要加錢既一般就係奶茶、檸茶，40蚊都唔洗就可以食一個下午茶，幾抵食！過咗下午茶時間之後既晚餐都好多選擇，除咗一啲台式美食，例如：台灣牛肉麵等等之外，仲有臭臭鍋等，有時間大家都可以去試吓🤗