Green Tech Cafe (已結業)

Green Tech Cafe 係一間無五辛嘅素食餐廳。菜式偏向西式同日式，類似Green Common同素年。餐廳面積唔大，平日午市坐滿上班族，到2:00後人流開始少。唔知係咪因為出面太陽曬入黎，餐廳入面冷氣唔夠，我坐坐下有D熱。新豬肉水牛城 ($38)必點之選👍🏼。本身用新豬肉整嘅菜式已經夠吸引我，佢外表有少少脆，嗰醬汁好惹味，入面係新豬肉包住紅蘿蔔條，唯一不足係得2件唔夠喉。港式半焗流心蛋咖哩吉列朱扒意大利飯 ($108)我覺得成個飯太乾身😕，尤其是吉列豬扒，如果外皮再酥脆D，或炸粉再厚少少會更好食。咖哩汁偏辣。不過賣相唔錯。厚切豆腐蝦堡 配薯角 ($88)初時我以為會將豆腐打爛搓成一個漢堡扒嘅樣，點知原來係素魚腐加素蝦，再加上千島醬同沙律菜。麵包夠鬆脆，夾住嘅餡料爽口為主，整體配搭算唔錯。餐湯 (+$10)南瓜湯味道清甜，原汁原味嘅感覺。