影片
更多
2020-07-17
160 瀏覽
太子新開咗間車仔麵店，鋪頭細細，但食物選擇好多，單係麵底已經有14款😮！不過最吸引我都係各款炸物小食😋。.🍜車仔麵 我揀咗比較少見嘅蝦子撈麵（$13），蝦子份量超多，味道鹹香。餐牌仲有蒜油同黑松露撈麵，感覺上都好吸引。餸菜方面，我揀咗何車野菜（$13）、竹笙（$10）、糖心蘿蔔（$8）。當中以糖心蘿蔔最驚喜，味道清甜，口感夠腍又無渣。.🍗下午茶D （何車炸盤+黑松露薯條+飲品）$40何車炸盤有齊醉炸雞翼、炸腐皮角、吉列蠔、炸花枝丸。醉炸雞翼幾有新意，又有醉雞嘅酒香味，外皮又夠香脆🤩。炸腐皮角原來唔係炸腐皮。佢食落煙韌重魚肉味，反而似片狀嘅魚肉春卷😋。.黑松露薯條都係用嚟過下口癮，但個人唔係好鍾意波浪形薯條，薯味太淡😖。.整體嚟講車仔麵嘅麵底、餸菜選擇都頗多，一次肯定食唔晒想食嘅款式。小食價錢相宜，就算一個人食都可以試多幾款😚。.何車車仔麵太子界限街41C號長勝大廈地舖
.
🍜車仔麵 我揀咗比較少見嘅蝦子撈麵（$13），蝦子份量超多，味道鹹香。餐牌仲有蒜油同黑松露撈麵，感覺上都好吸引。餸菜方面，我揀咗何車野菜（$13）、竹笙（$10）、糖心蘿蔔（$8）。當中以糖心蘿蔔最驚喜，味道清甜，口感夠腍又無渣。
.
🍗下午茶D （何車炸盤+黑松露薯條+飲品）$40何車炸盤有齊醉炸雞翼、炸腐皮角、吉列蠔、炸花枝丸。醉炸雞翼幾有新意，又有醉雞嘅酒香味，外皮又夠香脆🤩。炸腐皮角原來唔係炸腐皮。佢食落煙韌重魚肉味，反而似片狀嘅魚肉春卷😋。
.
黑松露薯條都係用嚟過下口癮，但個人唔係好鍾意波浪形薯條，薯味太淡😖。
.
整體嚟講車仔麵嘅麵底、餸菜選擇都頗多，一次肯定食唔晒想食嘅款式。小食價錢相宜，就算一個人食都可以試多幾款😚。.
何車車仔麵太子界限街41C號長勝大廈地舖
張貼
