影片
更多
2016-06-16
4415 瀏覽
這些機會是留給有準備的人成件事就真係好得意，話說呢上個月中，一位好朋友帶咗我來食呢間餐廳，popsy modern kitchen. 呢位好朋友知道我一直都好想試呢一間餐廳，因為呢一間餐廳擁有糅合美食藝術與一身嘅獨特之處！雖然我唔講得係一個好有藝術細胞嘅人，但係我都好願意去學習同欣賞唔同嘅藝術，而呢間餐廳嘅最大特色就係會定期展出唔同嘅藝術家畫品，喺唔同嘅展期亦都會有唔同嘅主題，每一次去到都會令到你有新的感覺！記得當日嚟到呢一間餐廳淨係影相同埋欣賞佢嘅design 同主題佈置已經用咗一段時間。影左無數咁多相！食完一餐咁好食嘅飯，我好想即刻同人分享，好可惜我部電話竟然係呢個時候壞咗！最慘嘅就係啲相囉唔返出嚟！唉！正當呢個星期終於可以維修返部電話，可以認認真真咁寫一篇我咁喜歡嘅餐廳嘅食評，竟然有人話俾我聽我呢個主題嘅食物就快要轉啦！不過我深信有啲嘢係萬變不離其中嘅！一個咁好食嘅Brunch . 就算佢點轉主題，都一樣係咁好食！每一次嘅轉變，深信都會係有進步嘅空間！可能嚟緊呢個主題會更加出色！唔好講咁多咁就等我同大家分享下我呢一個食得好難忘嘅Sunday Brunch la!本身已經諗好呢一篇
成件事就真係好得意，話說呢上個月中，一位好朋友帶咗我來食呢間餐廳，popsy modern kitchen. 呢位好朋友知道我一直都好想試呢一間餐廳，因為呢一間餐廳擁有糅合美食藝術與一身嘅獨特之處！雖然我唔講得係一個好有藝術細胞嘅人，但係我都好願意去學習同欣賞唔同嘅藝術，而呢間餐廳嘅最大特色就係會定期展出唔同嘅藝術家畫品，喺唔同嘅展期亦都會有唔同嘅主題，每一次去到都會令到你有新的感覺！
記得當日嚟到呢一間餐廳淨係影相同埋欣賞佢嘅design 同主題佈置已經用咗一段時間。影左無數咁多相！食完一餐咁好食嘅飯，我好想即刻同人分享，好可惜我部電話竟然係呢個時候壞咗！最慘嘅就係啲相囉唔返出嚟！唉！
正當呢個星期終於可以維修返部電話，可以認認真真咁寫一篇我咁喜歡嘅餐廳嘅食評，竟然有人話俾我聽我呢個主題嘅食物就快要轉啦！
不過我深信有啲嘢係萬變不離其中嘅！一個咁好食嘅Brunch . 就算佢點轉主題，都一樣係咁好食！每一次嘅轉變，深信都會係有進步嘅空間！可能嚟緊呢個主題會更加出色！唔好講咁多咁就等我同大家分享下我呢一個食得好難忘嘅Sunday Brunch la!
本身已經諗好呢一篇食評嘅名叫"仲夏之夢", 不過最後我都係改咗做"機會留俾有準備嘅人", 的確，無論做人做事，機會就算係眼前，大家都要有能力去珍惜！慶幸地能夠有一個休閑嘅下午，同一班志同道合一齊食好嘢！popsy modern kitchen 的Brunch 擁有超多無限量添加嘅前菜，沙律以及甜品。配合呢一個如仲夏海灘感覺的佈置！講真未食，環境以及佈置已經打分！
啱啱年凍肉盤辣肉腸等等嘅食物，佢哋都係有心機地卷成花型！一個個整齊咁排列係木碟上面！
點少得嘅就係有煙三文魚，沙美樂腸，西班牙火腿等等！
芝士盤嘅選擇都唔少而且芝士十分好吃，有Comte cheese, Brie cheese , Blue cheese .
沙律嘅選擇都好多最亮眼嘅就係用貝殼勝在嘅貝殼意粉沙律，另外仲有十分之精美用完整嘅蛋白勝在嘅蛋黃沙律同埋新鮮美味嘅蕃茄水牛芝士沙律以及十分之有夏日色彩嘅薯仔煙肉沙律碗！
順帶一提呢一度嘅沙律吧沙律選擇真係十分之多，除咗有自己調配嘅沙律之外，仲有一個好好食先甜美味嘅紅彩頭沙律，同埋現在很受歡迎的藜麥沙律！淨係食沙律吧都已經好吸引！
食完沙律吧之後正式坐定定食主菜啦係食主菜之前俾我發現咗佢哋嘅餐包以及牛油，十分之好食，偶有有分普通牛油以及海鹽牛油，海鹽牛油比較香濃但係兩個牛油都係十分輕盈，很滑！配上熱辣辣嘅麵包籃！再一次delight 我這個brunch !
因為要等朋友嘅關係我哋就點左一個餐廳佢哋十分之推介嘅在DIY cocktail ,
一杯色彩粉嫩嘅西柚雞尾酒, 仲有手套, 咭紙及兩色食用顏料可以變出d 咩？就係喺呢一杯咁份聯嘅西遊雞尾酒上邊畫出你獨特嘅圖畫！主菜嘅選擇唔少雞豬海鮮等等，應有盡有！我自己覺得呢一度嘅廚師富有藝術細胞，基本上每碟餸菜嚟到嘅時候，我都覺得有一種分子料理嘅精細感覺！
我點左呢個Seashore, 食物描述係pan seared scallop with sun dried tomato and Orzo pasta .面層的綠色泡沫,配上雪白嘅帶子，但係視覺上邊已經十分滿足，陽光曬過嘅蕃茄味道更濃郁， 而最吸引嘅就係我第一次食呢一種好似米粒一樣嘅意粉，估唔到係咁好味啊！帶子兩邊煎得金黃內裏雪白，鮮美，有質感！整個主菜都十分優雅！
朋友叫的Mighty Meaty 都十分之吸引，食物描述係Parma ham , white mushrooms , Parmesan cheese omelette with new potatoes and herbs
一個望落去已經賞心悅目，很大很滿足嘅 omelets,切落去裏邊係般湧嘅芝士以及巴馬火腿同蘑菇，質素十分之高！留心嘅芝士感覺，很正啊！
食完主菜同埋咁多嘅前菜已經好飽啦但係呢一度嘅甜品望落去，比前菜更加出色，前菜嘅外貌已經好吸引，但係當你見到呢一度嘅甜品，相信每一位女性都會飽住都要食甜品！
特別推薦呢一度嘅自家製棉花糖，呢一種咁棉密同甜美感覺的棉被糖，絕對冇地方可以搵到？第一次來食已經比呢個棉花糖深深吸引，我絕對期望佢遲啲會出外帶，呢一個咁好食嘅棉花糖！
甜品選擇十分之多賣相十分討好另外一個我推薦嘅就係blackberry mousse 同dark chocolate mini tart .
用窩夫底配上甜到均衡的mousse ! 就算在飽都吃得落！
好多時我哋食完brunch 都會叫一杯熱茶或者咖啡, 現我就覺得配上一杯夏日色彩嘅無酒精飲品做完件應該會更加好！所以我就叫左呢一杯淨係影相都殺左我幾十張的mango lemonade.
顏色很有層次感，味道清甜嘅mango lemonade , 酸酸甜甜，令我幻想到響海邊坐響度飲嘢，曬太陽嘅感覺！味道清新一啖已經很消暑啊！呢一度嘅周末brunch , 逢星期六日嘅11點半供應到三點鐘，呢一個夏日色彩主題嘅brunch 好快就供應完畢！所以我成日都玩機會係留俾有準備有心機嘅人，食物都一樣，千祈唔好令到美好嘅東西，因為等唔到你而失去！愛要及時，食其實都係要及時架！見到就要book . 唔好等下次, 期待佢下一個主題的weekend brunch !我絕對相信，下一個主題一樣有驚喜！
張貼
