影片
更多
2009-07-27
22 瀏覽
媽媽時常睇韓劇，有時會冇野做陪佢睇，見到劇中的人食既野好似總係同我一般食的韓國野好唔同。成日都見到佢地係屋企都係食炸醬麵，又或者將啲湯呀，菜呀撈埋落啲飯度，食得好滋味。聽說金巴利街有一家又平又正宗的平民韓國餐廳，一於就帶埋母親大人去食。一去到已經發現到兩樣野同之前想似中不同。第一係原來裝修都不錯的，起碼好光猛，好乾淨。雖然都係木頭枱枱凳凳，但都算市市正正。第二係價錢冇我想像中咁平，每樣野都要五十蚊以上，雖然已比一般香港的韓國料理平，但以佢個格局仲以為會平啲。店內的員工雖然全部都唔係好識廣東話，但餐牌有晒相同編號，只需寫食物編號寫係張單上遞畀佢就得。先講一講前菜三小碟，分別係泡菜、辣蘿蔔同酸蘿蔔。泡菜味道很咸，不太辣，味道不太討好，但菜係幾爽脆。辣蘿蔔跟泡菜一樣，都係味道唔得，蘿蔔不錯。酸蘿蔔就如果再酸一點兒就好了。前菜總括來說唔係太好，同埋如果多啲選擇（如我最鍾意的芽菜菠菜就好了）會好啲。再先來的係炸醬麵。從未食過韓國的炸醬麵，未知道是否正宗，但賣相似中國北方的炸醬麵黑黑的，同電視中睇的一樣。食落味道都好清淡，帶點海鮮醬的鮮甜味。入面仲有洋蔥、荀同（好少好少）的肉碎；洋蔥為整碗麵帶來甜
一去到已經發現到兩樣野同之前想似中不同。第一係原來裝修都不錯的，起碼好光猛，好乾淨。雖然都係木頭枱枱凳凳，但都算市市正正。第二係價錢冇我想像中咁平，每樣野都要五十蚊以上，雖然已比一般香港的韓國料理平，但以佢個格局仲以為會平啲。
店內的員工雖然全部都唔係好識廣東話，但餐牌有晒相同編號，只需寫食物編號寫係張單上遞畀佢就得。
先講一講前菜三小碟，分別係泡菜、辣蘿蔔同酸蘿蔔。泡菜味道很咸，不太辣，味道不太討好，但菜係幾爽脆。辣蘿蔔跟泡菜一樣，都係味道唔得，蘿蔔不錯。酸蘿蔔就如果再酸一點兒就好了。前菜總括來說唔係太好，同埋如果多啲選擇（如我最鍾意的芽菜菠菜就好了）會好啲。
再先來的係炸醬麵。從未食過韓國的炸醬麵，未知道是否正宗，但賣相似中國北方的炸醬麵黑黑的，同電視中睇的一樣。食落味道都好清淡，帶點海鮮醬的鮮甜味。入面仲有洋蔥、荀同（好少好少）的肉碎；洋蔥為整碗麵帶來甜味同口感，肉碎就少得太可憐...聽講韓國的肉係好貴的，所以個度啲人好少食，但依度係香港，賣五十蚊一碗都仲咁孤寒-_-？講番食物...個麵好特別，比中國同日本的麵都更煙韌，很有彈性，不錯。總括來講係不錯的，但未至於好好食，當食過正宗（希望係）的韓國炸醬麵就算了。
之後的泡菜炒年糕非常失望。韓國年糕同麵一樣又係零舍煙韌，而且形狀係圓桶形，比上海年糕更好咬口。材料不錯，卻畀個汁糟蹋了所有事﹗個汁好甜好甜，甜到諗緊係咪當左鹽係糖...。又甜又辣味道好奇怪，有點兒頂唔順。
食完兩樣野之後又未飽晒，就諗住記多樣野。本來諗住叫個泡菜豬肉飯，但好驚個汁會同個年糕個汁一樣，最後叫左個烤牛肉飯。好快就到了，牛肉飯新鮮熱辣整出來，但牛肉又係好少好少-_-。雖然係咁，味道卻好好，甜度剛剛好，大白菜同紅蘿蔔令到個飯更有爽口感。不過因為飯只不過係白飯，缺乏了飯焦香，總係覺得爭左啲野，加二十幾蚊要個石頭鍋可能會更好。
成餐飯都同想像中有所出入，但總算食到了一直以來韓劇的味道了﹗
張貼
