影片
更多
2021-10-06
147 瀏覽
來到旺角女人街，雖然兩邊都係食店，但真係好難揀得落手，行行下見呢間有西式風情既裝修，見佢咁比心機裝修，食物應該都有返咁上下水平。首先上既係餐湯餐包，果然冇令我失望，餐湯餐包都好高水準，絕對唔係一般貨。餐湯係牛尾羅宋湯，牛味道好出，配上洋蔥、西芹等菜類既甜味，飲落好香濃好滿足。餐包就係香脆既蒜蓉包，另外再有新鮮蕃茄同洋蔥粒做成既蕃茄蓉，放上蒜蓉包上，十分出色！我地加咗$30有埋鵝肝多士做小食，鵝肝幾大塊，充滿油脂超邪惡，但完全冇腥味，比得上酒店buffet出品。之後黎既係煙三文魚薄餅，食得出薄餅係自家製，餅底夠脆夠簿，加上芝士、洋蔥等配料上面再有塊煙三文魚，食落健康又舒服😌！之後黎既係串燒半熟帶子煙肉蘆筍卷，帶子香口但入面依然juicy ，好味！但更值得一提既係煙肉蘆筍卷！煙肉既肉汁同咸味配合新鮮簡單煎過既蘆筍，簡直就係最佳配搭！2種食材既配合令其味道、香口程度、新鮮度都有所提升。最後食到有d意猶未盡，主菜紐西蘭西冷扒配燒肉汁，燒肉汁好夾牛扒，塊扒既肉味足夠，有咬口，除左牛扒好食之外，燒配菜既燒雞髀菇、燒茄子同燒翠玉瓜都有上佳既水準。飲品方面，炎炎夏日揀左兩杯冰涼特飲試試。Cookie
首先上既係餐湯餐包，果然冇令我失望，餐湯餐包都好高水準，絕對唔係一般貨。餐湯係牛尾羅宋湯，牛味道好出，配上洋蔥、西芹等菜類既甜味，飲落好香濃好滿足。餐包就係香脆既蒜蓉包，另外再有新鮮蕃茄同洋蔥粒做成既蕃茄蓉，放上蒜蓉包上，十分出色！
我地加咗$30有埋鵝肝多士做小食，鵝肝幾大塊，充滿油脂超邪惡，但完全冇腥味，比得上酒店buffet出品。
之後黎既係煙三文魚薄餅，食得出薄餅係自家製，餅底夠脆夠簿，加上芝士、洋蔥等配料上面再有塊煙三文魚，食落健康又舒服😌！
之後黎既係串燒半熟帶子煙肉蘆筍卷，帶子香口但入面依然juicy ，好味！但更值得一提既係煙肉蘆筍卷！煙肉既肉汁同咸味配合新鮮簡單煎過既蘆筍，簡直就係最佳配搭！2種食材既配合令其味道、香口程度、新鮮度都有所提升。
最後食到有d意猶未盡，主菜紐西蘭西冷扒配燒肉汁，燒肉汁好夾牛扒，塊扒既肉味足夠，有咬口，除左牛扒好食之外，燒配菜既燒雞髀菇、燒茄子同燒翠玉瓜都有上佳既水準。
飲品方面，炎炎夏日揀左兩杯冰涼特飲試試。Cookie Black就係以咖啡沙冰做底，面頭有cookie碎同雪糕，飲落咖啡味好出好濃好好飲。Melon Green就以哈密瓜🍈沙冰做底，配上新鮮哈密瓜肉，飲落就好fresh好清新，食完飲完相當滿足、十分滿意！
張貼
